“Азия Ньюс” менен Кашкар Жунушалиевдин соттук процесси жылдырылды
Эске салсак, Октябрь райондук сотунун судьясы Тынара Абдиева министр Кашкар Жунушалиевдин “кадыр-баркыма шек келтирди” деген даттануусунун негизинде “Азия Ньюс” гезитине жана башкы редактор Асланбек Сартбаевге 1 миллион сом айып пул салган. Албетте, мындай чечим негизсиз жана мыйзамсыз болгону анык.
Бүгүн саат 14.00дө Бишкек шаардык сотунда Асланбек Сартбаевдин апелляциялык тартиптеги даттануусу каралып, Кашкар Жунушалиевдин өкүлү отурумга келбей калганы үчүн жылдырылды.
Баса белгилей кетүүчү жагдай, “Азия Ньюс” гезитине чыккан макалаларда Кашкар Жунушалиевдин кадыр-баркына шек келтире турган кылдай да маселе жок. Болгону “кашаң” ишмердигине карата сын-пикирлер жазылган. Эгерде ал жакшы иштеп атса, коомчулукта милицияга карата кескин түрдө нааразычылыктар жаралат беле? Тилекке каршы, министр бийлигинен пайдаланып, сөз эркиндигине кысым жасап, чектен чыгып кетти!
Aryba.kg
