Акыркы кабарлар
» Кылмыш » “Орусияда атып өлтүрүлдү” делген кыргызстандык чемпион тирүү экени айтылууда
“Орусияда атып өлтүрүлдү” делген кыргызстандык чемпион тирүү экени айтылууда
08-август, 16:01
Орусиянын Ингушетия Республикасындагы атышуудан каза болгондордун арасында эркин күрөш боюнча Азия чемпиону Муслим Евлоев жок. Бул тууралуу аталган республиканын укук коргоо органдарындагы ишенимдүү булак орусиялык басылмаларга билдирген.
"Жок кылынган адамдардын өздүгү аныкталды, алар мыйзамсыз куралдуу топтун мүчөлөрү", - деп билдиришкен укук коргоо органдарынан.
Укук коргоо органында иштеген ишенимдүү булактын билдиришинче, Муслим Евлоев качып кеткен. Анын тууганы кармалган.
Атайын операция өткөн аптада офицердин өлтүрүлүшү боюнча козголгон кылмыш ишинин алкагында жүргүзүлгөн.
Буга чейин Кыргыз өлкөсүнүн атынан Азия чемпиону аталган Муслим Евлоев атып өлтүрүлгөндүгү кабарланган.
