Жалал-Абад ОИИБде Марлис Асанов көпкө турбай калды го...
Бурулайдын өлүмүнө айыпталган Марлис Асанов Жалал-Абад ОИИБни жетектеп отурат. “Бул эмне эле кежейип, кыялын көрсөтөт ыя?” деп өздүк курамда жини келгендер бар экен. Камыр-жумур аралашып кете албай... Ал кылмыш ачуу жагына гана басым жасап, башкасы калып калганы кандай? Жалпы коомдук-коопсуздук абалды тескөө, эл менен жолугушуу, аймактарды кыдыруу жагы унутта калгандай. Өткөндө Паша “Асанов кайда?!” деп кыртышы сүйбөгөндөй үн чыгарган. Маалыматтар жетсе керек. Аныгында, иши алдыга жылбай тыгылып, өзүн көрсөтүүгө шаасы келбегендей. Жакында өздүк курамдын ичинен каршылык көрсөтүүгө батынгандар чыгышабы? Тымызын ичтен козушуп, бугуп жатышкандары жөн жерден эместир...
Айтмакчы, Жалал-Абад ОИИБнин мурдагы начальниги Жеңиш Абитов кеткенден кийин милициянын күжүрмөн катмары анын иштермандыгын, тынбаган аракет баалашып, өкүнүп калышкандары бекер жерден эместир. Ооба, Жеңиш мырзанын баркын дагы далай билебиз...
"Азия Ньюс" гезити
