Бийлик Ташиевди коргобой койсо, эртең эле жашаган жерине кирип барышабы?
УКМКны жетектеп турганда Камчыбек Ташиев “өзүнө кол сала турган адамдарды” маалы менен кармап, камакка алып турчу. Мындайча айтканда, “күчтүү киллерлер” кармалышып, бирок алардын видео, сүрөттөрүн көргөндө, коомчулукта жылмаюулар жаралчу. Курулушта иштеп, же эптеп жан багып жүргөндөр, мисалы, “кой оозунан чөп албагандар” беле? Эми ал күндөр буркан-шаркан түшүп өтүп кетиптир...
Натыйжада, УКМКны башкарып турганда Камчыбек Ташиевге үй-мүлкүн, байлыктарын тарттырып жибергендер өтө көп экени айтылып, алардын ичинен эсептешүүнү күтүп жүрүшкөндөр да арбынбы? Тар чөйрөлөрдө кеп кызып, ызырынгандар чыңалып баратса, акыры кандай тамамдалат? Айтор, тирукмуш суроолор жаралууда. Эгерде бийлик Ташиевди коргобой калса, эртең эле жашаган жерине кирип барышабы?
Катаал эсептешүүлөр алдыдабы? Көрө жаталы.
