Эки анжы Өмүрбек Бабановдун саясый абалы оор
Баарынан да Өмүрбек Бабановго оор болду. Россиядан ачык колдоо ала албай, же президенттик шайлоого чыгууга өзүнүн эрки жетпей, баягы коркоктук мүнөзүнүн айынан арсар абалда. Артында 11 кылмыш иши кыдырекей тизилип турса, 3,5 миллиард сом салыктан жашырганы боюнча айыбы угулса, анан кайда бармак эле? “Саясаттан кеттим” деп кайра келе калат, адашат, чегинет... Кызыгы, ички дүйнөсүн, дараметин ачыктап алды. “Эки тоонун чөбүн эңсеген эчки ачкадан өлүптүр” дейт. Бир жолду тандаш керек да: бизнес же саясат. Качанкыга чейин талтайып, ыргылжың тарта ойной берет? Мындай кейпи менен президенттик шайлоодо ийгилик жарата албайт, андан көрө Канатбек Исаевди колдоп, “жандооч кийик аттырат” дегендей жардамдашып, арканды алыс ыргытса, эртеңки күнгө жашыл жарык күйсө керек. Канына сиңген сүткорлугу кедергисин тийгизбегей эле...
"Азия Ньюс" гезити
