Унаа тоногон куралчан жаран кармалды
2-декабрда Бишкекте машинадан 8 миң доллар жана документтер салынган баштыкты уурдап кетти деп жабыркаган киши милицияга кайрылган.
Жапа чеккен кишинин айтымында, 2-декабрда саат 11:45 менен 12:30дун ортосунда белгисиз адамдар “Toyota 4Runner” үлгүсүндөгү автоунаасынын терезесин сындырып, акчасын жана документтерин уурдап кеткен.
Машинадан доллар уурдаган кылмышка шектүү жаран 25 жаштагы жаран кармалды. Ал уурулук фактысына шектүү катары кармалып, соттун чечими менен №1 тергөө абагына эки айга камакка алынган.
Шектүүнүн айдап жүргөн автоунаасынан "Форт 12рм" үлгүсүндөгү тапанча, төрт патрон, бычак, эки рация, дүрбү, автоунаанын номери, кол кап жана башка заттар табылган.
Учурда экспертиза дайындалды. Шаардык милициядан кабарлашкандай, кармалган кишинин башка кылмыштарга дагы тиешеси болушу ыктымал.
Андыктан, сүрөттөгү бул адамдан жапа чеккендер болсо шаардык милицияга кабарласа болот.
