Эртең менен суу ичүүнүн кереметтүү пайдалары
Суу ичүүнү адатка айландырган жана дүйнөдө дени сак улут катары таанымал элдердин сап башында япондор турат. Алар сууну көптөгөн оорулардын алдын алдын алат (!) деп эсептешип, ушул күнгө чейин бул адатты карманып келишет.
Суу ичүүнүн көптөгөн пайдалары бар экени илимий жактан далилденген. Эртең менен ачкарынга суу ичүү адам организмине пайдасы чоң. Ал бир канча оорулардын алдын алууга жана дени сак жашоого өбөлгө түзөт. Эгерде сиз эртең менен күндү суу ичүү менен баштасаңыз, төмөнкү оорулардын алдын ала аласыз: баш оору, муундардын сыздашы, жүрөктүн оорусу, артрит, эпилепсия, ашыкча салмак, бронхиалдык астма, менингит, бөйрөк оорулары, көңүл айлануу, гастрит, диарея, диабет, ич катуу, жатын жана жадагалса рак ооруларынын алдын алууга жардам берет.
Негизинен, эртең менен турган соң алгач суу ичүү керек. Андан соң 45 мүнөткө чейин тамактанбоо зарыл. Эртең мененки, түшкү, кечки тамактан кийинки эки саат аралыктарында эч нерсе жебеген оң. Эртең менен суу иче албагандар алгач аз-аздан баштаса, организм ашыкча кыйналбайт.
"Азия Ньюс" гезити
