Акын Олжобай Шакир жубайы коронавирус жуктуруп алганын маалымдады
“Бул ооруну жашырып кереги жок. Менин үй-бүлөм кантип коронавирус жугузуп алганын түшүндүрүп берейин. Биздин бүлөбүз абдан сактанып жатканбыз. Келинчегим кайненемди ооруканага ташып жүргөндө жугузуп алса керек.
Эл арасында “Коронавирус бүттү. Бул жомок” дегеп кептер жүрөт. Мен өз башыма келген окуядан улам айтып жатам. Жубайымды ооруканага жаткырдык. 1-2 күндө биздин дагы анализдерибиз чыгат. Тест тапшырып жүрүп ооруканада медицина кызматкерлеринин абалын көрүп, жүрөгүм ооруду. Тез жардам кызматкери 2 айдан бери үйүн көрө элек экен. Ал эми дарыгерлер жайдын ысыгында коргоочу костюмдарды кийип жүрүшөт. Күч органдарына деле оңой эмес.
Учурдагы абалга кайдыгер карабайлы. Карапайым эл тогопой, сезбей жүрөбүз. Ооруну жугузуп алса дагы жашырып жатышат. Кенебестикти токтотолу. Мен өзүмдүн башыма келген маселени айтып жатам”.