Жигитим качып кетти, чындап кыйналып жүрөм

29-март, 16:51

2 901 ᠌ ᠌ ᠌ ᠌᠌ ᠌ ᠌᠌

Жашым 19да. Кош бойлуумун, 10 жумадай  болуп калды. Боюмда болгонун билгенде эле жигитиме айткам. Башында “и-ий” деп сүйүнүп жүрдү.  Кийин апасы “бизге ал баланын кереги жок, билгениңерди кылгыла” деп жок болуп кетишти. Мен алардын аркасынан чуркап, “жардам бер” дегим келген жок. Аларды мен Кудайга койдум. Бирок азыр чындап аябай кыйналып жүрөм. Үйдө күндө уруш. Апам “иште, баланы эми кантип багасың?” деп урушканы урушкан. Жакында каза болуп калган атамды, эжемди эстеп ыйлайт. “Мени да өлтүрүп алып, ыйлап отура бериңиз” деп мен коркутам. Өзүмө ылайыктуу жумушту кантип табам? Кандай кылам, айлам куруду. Кеңеш бериңиздерчи?

aiymdar_kg