Акыркы кабарлар
» Коом » Таласта жол кырсыгына кабылган “тез жардамдын” эки кызматкери каза болду
Таласта жол кырсыгына кабылган “тез жардамдын” эки кызматкери каза болду
28-октябрь, 14:02
Бакай-Ата районунда медициналык “тез жардам” кызматынын унаасы жол кырсыгына кабылып, 64 жаштагы айдоочу менен 55 жаштагы медайым каза тапкан.
Облустук ички иштер башкармалыгынан “Азаттык” радиосуна маалымдашкандай, окуя 27-октябрда таңга маал болгон. “Тез жардам” Кызыл-Сай айылына чакырууга баратканда жол кырсыгына кабылган.
Ички иштер министрлигинин алдындагы жол кыймылынын коопсуздугун камсыздоо башкармалыгынын маалыматына ылайык жыл башынан бери Кыргызстанда 5437 жол кырсыгы катталды. Бул былтыркыдан 29,2%га көп. Жол кырсыгынан набыт болгондордун саны да былтыркыдан 15%га көп. Былтыркы тогуз айда 509 адам көз жумса, быйыл 587ге жетти. Жараат алгандар 31%га көбөйгөн. Тогуз ай ичинде автокырсыктан 8298 адам жабыркаган.
"Азия Ньюс" гезити
