Алдыдагы саясый абалга жараша Мирлан Орозбаевдин губернатор болушу маанилүү
Ош облусунун губернатору Аманкан Кенжебаевдин эл менен болгон жолугушууларын көрүп аттык. Көйгөй көп экен. Анан калса, жыйындарда чыр-чатактар чыгып, нааразычылыктар арбын айтылып атты. Негизинен көп нерсени жаап-жашырышканы байкалды го? Ушундай абалында Аманкан Кенжебаев алдыдагы президенттик шайлоодо алапайын таппай калбайбы? Жетекчинин сөзү элге өтүмдүү, абройлуу болсо, анда кеп башка эле. Тилекке каршы, коомчулукта арсар ой жаралууда. Аламанга карай саясый кырдаалды туруктуу кармап турууга губернатордун шайы келеби? Айтыш кыйын, опурталдуу эмеспи? Эмне кылуу керек? Жергиликтүү элдин баамында, Ош облустук администрациясынын орун басары Мирлан Орозбаевдин ишти шыр алып кетүүгө жөндөмү бар экени айтылууда. Калк назарына алынып калыптыр. Мирлан мырза уюштургуч, дипломат, эң башкысы, коомдук абалга анализ жасап, саясаттын пульсун да кармай билет. Каарманыбыз караңгыдан көз тапканы, бүйрөлүгү, анык позициясы менен туруктуулукту бекемдей алары шексиз.
