Текебаев шайлоого аттанбай калса, анда Бабановду колдоп чыгабы?
Германиядагы элчи Өмүрбек Текебаев жасалма интеллекттин жардамы менен жазган китебин презентациялап, саясый күчтөрдү чакырып, чекесинен чегип, коомдун ал-абалына саресеп салууга жетишти. Мунун баары алдыдагы президенттик шайлоого карай машыгуубу? Айрымдар Текебаевдин аламанга аттанарын божомолдошуп, аны саясый элита, эл колдой турганын бекер жерден айтып атышкан жокпу? Азырынча тар чөйрөлөрдө гана талкуулар жанданууда. Кокус Өмүрбек Чиркешович шайлоого кандайдыр бир себептерден улам чыкпай калса, таасирдүү, популярдуу лидерди колдоп кетеби? Ал ким? Өмүрбек Бабанов эмеспи? “Шамал болбосо чөптүн башы кыймылдабайт” дечү эле. Кызыгы, түйүнү чечилбеген соболдор арбын болууда. Эгерде Бабанов аламанга аттанса, ага бир дагы талапкер тең келе албасы ыраспы? “Коён жүрөк, коркок” деген сөздөрдү жокко чыгарып, бу саам каарманыбыз эр мүнөздүү баатырлыгын далилдейби? Же адатынча бүжүрөп, башын калкалап, шүк отуруп калабы? Күтө туралы, аз күндө билинет...
