Элчи Өмүрбек Текебаевдин күтүүсүздөн аламанга катышары болжонууда
Алдыдагы президенттик шайлоого карай саясый күчтөр тымызын жандана баштадыбы? Жогорку элитанын тар чөйрөсүндө Германиядагы элчи Өмүрбек Текебаевге карата жылуу пикирлер айтылып, андан үмүттөнгөндөр арбын экен. Бийликке каршылык көрсөтө турган бир топ белдүү лидерлер соттолушуп, мыйзамдуу таризде кадам сала алышпайт. Мындай шартта саналуу гана саясатчылардын жолдору ачык болсо, алардын бири – Өмүрбек Текебаев! Каарманыбыздын алдыны көрө билгени, кыраакылыгы жана күтүүсүз жүрүштөргө барарын эске алсак, алдыдагы аламанда ат тизгинин шарт буруп, президенттик шайлоодо талапкерлигин коёбу? Эгерде мындай тобокелдикке барса, Текебаевди саясый элитадан баштап, карапайым калкка чейин колдоого алышабы? Ооба, бул азырынча божомол гана... “Шамал жүрбөсө чөптүн башы кыймылдабайт” дечү эле.
