Маматалиевдин “атайын тизмеси” боюнча Шайназаров соттолобу?
Жогорку Кеңештин төрагасы Марлен Маматалиев өткөн шайлоо астында азапка батып, катуу кыйноолорго, адилетсиздикке кабылыптыр. Эл ичинде талкууларды жаратууда. Ошого катар парламентке өтө турган тизмеде каралбаганын, өгөйлөнгөнүн айтты. Камчыбек Ташиевден кегин алып аткан кербезиби?
Натыйжада, Жогорку Кеңештин бул созывы чыныгы шайлоонун эмес, дайындоонун негизинде болгонуна ишенебизби? Маматалиев “атайын тизме” тууралуу айтканы кайдыгерликте калбашы керек да. Ким жооп берет? БШК төрагасы Тынчтык Шайназаров шайлоо өткөзбөй эле жогор жактын тизмеси аркылуу мандат тапшырганбы? Анда соттолобу? “Бала төрага” жөн жерден “балп” эттирбесе керек. Ал өтө олуттуу мүнөздө отуруп алып, калдайган кыргыз калкын ишендирүүгө далалат жасады. Ошондо Жогорку Кеңештин курамы мыйзамсыз отурабы? Тергөө тобу дайындалып, толук кандуу сурак башталса, Маматалиев менен Шайназаров “жаңырта ырдап” беришеби? Бул суроолорго чекит коюш керек да...
Же кайрадан адилеттүү, мыйзамдуу талаада Жогорку Кеңештин шайлоосу өтөбү? “Атайын тизме” менен келгендерди кантип калк кабыл алсын? Айтор, кайрадан эле “баланын иши чала” болуп калды окшойт...
