Калпаев кырсыктан упай топтодубу? Бул Ташиевди “сатып” кеткендей иш эмес...
Адаттагыдай эле таңгалычтуу көрүнүш... Депутат Бактияр Калпаев Кегети капчыгайынан дайынсыз болуп жаткан 6 жашар баланы издөөдө жеринен видео тарттырып, көзүн жашылдантып, өзүн пиар кылып чыкканын көрдүк. Азык-түлүк ташып, көпчүлүккө аралашып, дарыяны бойлой жүргөнүн кандайча түшүнөбүз? Наристе баланы издөө ӨКМнын, атайын аскерлердин иши да. Депутат кырсыктан упай топтогусу келгенби? “Бөдөнөнү сойсо да касапчы сойсун” деген лакап бар. Анын сыңарындай, эл өкүлү качан эле ӨКМ менен аралашып, камыр-жумур киришип кетчү эле? Андан көрө Калпаев позициясын ачыктап койбойбу? Ташиевден кол үздүбү, же түнкүсүн ымдашып жатабы? Ушул жагы актуалдуу бойдон турат. Ириде жигит болушу кажет эмеспи. Багытыңды танда. Кечээги “устатыңды саттыңбы”, же туруп бересиңби? Айт да, байболгур...
