Гүлжигит Азия чөлкөмүндө мыкты топ тепкич катары аныкталды

18-март, 21:16

1 972 ᠌ ᠌ ᠌ ᠌᠌ ᠌ ᠌᠌

Футбол боюнча Кыргызстандын улуттук курамында жарым коргоочу Гүлжигит Алыкулов өткөн жумада Азия футбол конфедерация уюмунун сурамжылоосу менен “мыкты топ тепкич” деп аныкталды. Эсиме “жара” чыгып, эстей албай атам. Биздин балдардан ушундай бийик даражага ким жеткенин. Билгендер, кабарлап коёсуңарбы? 

Чынын айтсак, Гүлжигит абдан таланттуу бала. Шарт боло калганда көз кырымды сала жүрөм. Азыр Казакстандын “Кайрат” командасында жигердүү ойноп атат. Жүрөк жылыйт. Оюн талаада эки же үч атаандашын буйтап өтүп, алардын шайларын оодарып коёт. Тепкен тобу да күчтүү. “Бою меникиндей болгон эле жаш бала ушунча таамай, ушунча катуу тебеби?” деп ичимен башымды чайкап ийем. Гүлжигит – кыргыздын Мессиси! 

Сурат Жылкычиев 

"Азия Ньюс" гезити