Камчыбек Ташиевдин көздөй кадры, өкүл баласы беле? Азенбек Козукеев үн катса...
Өтө өкүнүчтүү... Жол кыймылынын коопсуздугун камсыздоо башкы башкармалыгынын начальниги Азенбек Козукеев иштегенден бери автокырсыктар кескин түрдө көбөйүп, согуштагыдай эле жарандарыбыз кырылууда. Моралдык жоопкерчилигин кантебиз? Бул боюнча коомчулук катуу кабатырланып келет.
Өздүк курам деле начальниктин жеткен дараметин, алсыз жетекчи экенин түшүнүп калышыптыр. Айтмакчы, Азенбек Козукеев убагында Камчыбек Ташиевдин көздөй кадры катары өсүп, карьера жасап келсе, а эмнеге тазалануу саясатынан кыйгап өткөн? Баары эле билишет турбайбы? Кечээ Ташиевдин өкүл баласы катары төш кагып жүрдү беле? Эмне үчүн көмүскөдөгү былыктары текшерилбей келет? ИИМдин ички иликтөө кызматында кыңыр иштери, дос-туугандык чалмакей жүрүштөрү боюнча маалыматтар болсо, эмнеге ачыкталбайт?
Кыскасы, мезгили келгенде Азенбек Козукеев көп суроолорго “буту күйгөн тооктой бийлеп” жооп береби? Күтө туралы.
