Кыргыз Эл Баатыры наамын алса, туура тандоо болот беле?
Аз күн мурда мамлекеттик жогорку сыйлыктар таратылды. Коомчулукта “татыктуу жана татыксыз” түрдө алгандар калчанып, кеп козуду. Албетте, беш кол тең эмес да. Эл баа берсин!
Айтмакчы, буга чейин Кыргыз Эл Баатырын алгандар түрдүү сөздөрдү ээрчитип келишти. Жогорку сый-ургалдын баркына жетпей калгандарды кантебиз? Андайлар бар, мисалы, көбү кошоматчы болуп кетишсе, айрымдары кылмыш иштерине кабылышты, ж.б. Өкүнүчтүүсү – булгап эле келатышат! Алардын аттарын жазганда не? Билесиңер да...
Мындан ары үлгү жаратуу үчүн министр Улан Ниязбековго Кыргыз Эл Баатыры наамы берилсе, натыйжалуу тандоо болот беле? Соңку ШОС, Көчмөндөр оюндарындагы коопсуздуктун жогорку деңгээлде сакталышы, алты жылдан бери мамлекеттин туруктуулугуна салым кошкону, дээрлик тартипти орноткону, ИИМди өнүктүрүп атканы, айтор, санай берсек эмгектери арбын экен. Калыс, реалдуу караганга үйрөнөлү. Аныгында генерал-полковник Улан Ниязбеков аталган наамдын аброюн арттырып, өзү да татыктуу бааланары шексиз. Келечекте буюрсун...
