Генерал Суваналиевди бийликке каршы күчтөр колдойбу?
Саясый чөйрөдө Өмүрбек Суваналиевдин президенттик шайлоого атсалыша турганы айтылып, сөз кызып аткан чак. Албетте, ар бир лидердин оош-кыйыштары болот эмеспи. Учкай талдап көрөлү.
Ириде генерал Суваналиевдин алгылыктуу жактарына келсек, ал таза, принципиалдуу саясатчы. Ар дайым өз пикирин тартынбай айтып, элдин мүдөөсүнө жараша коомдук пульсту кармап келет. Билими, тажрыйбасы жогорку деңгээлде. “Комиссар Каттани” каймана атындагы каарманыбыз Кыргызстандын баардык аймактарында жетекчилик кызматтарды аркалап, элдин дээрлик түйшүгүн, көйгөйлөрүн жакшы билет. Андыктан, республиканын булуң-бурчунан бери колдоого алынары шексиз. Бирок каржылык ресурсу чектелүү болгонун эске алсак, бийлик машинасына, пиар кампаниясына кантип туруштук берет? Ойлоно турган жагдай...
Эгерде Өмүрбек Суваналиевди оппозициячыл күчтөр, алты жыл аралыгында бийликтен ыдык көргөндөр, дээрлик протесттик катмар колдоп кетсе, анда лидер катары чоң фигурага айланышы мүмкүн. Анүчүн эмне кылуу керек? Суроо бар, жообун чечмелөөгө убакыт да кенен...
