Шайлоодо улакчылар менен футбол, волейбол ойногондор таасир жаратары айтылууда
Алдыдагы президенттик шайлоодо аксакал-көксакалдардын таасири өтпөсү байкалып калды. Өткөндө “Дасмия” ресторанында “75чилер” аралашкан кечеде даана сезилди. Медетбек Букуев аттуу-баштууларды араң чогултуптур. Алардын “вечеринкасы” коомчулукка жарыяланганда сын-пикирлер жаралып, жагымсыз сөздөр жазылды го? Эми кайрадан баш көтөрүшсө, кесепеттери тийип калбайбы? Жылмаясың да...
Ал эми аймактардагы абалды алсак, жергиликтүү элдин ичиндеги лидерлер улакчылар, андан кийин футбол, волейбол ойногон жаштар экен. Көпчүлүк катмар да ушуларды ээрчишип, спортчу балдардын сөзүн угушары ачыктала баштады. Бул азыркы жашоодогу реалдуулук. Илгеркидей аксакалдардын айтканы эмес, азыр балбан билек улакчылардын жана футбол, волейбол ойногондордун таасири артып, президенттик шайлоодо элди буруп коюшары болжонууда. Ошондо бул жагын пайдалана аласыңарбы? Азыр эски муунга байлана берүү кажетсиз, берегидей алгыр жаштарды пайдаланууда ийгилик жылоолосо керек...
