Акыркы кабарлар
» Саясат » Президент Садыр Жапаров аскерлер тууралуу жаңы жарлыкка кол койду
Президент Садыр Жапаров аскерлер тууралуу жаңы жарлыкка кол койду
23-февраль, 18:17
Президент Садыр Жапаров кызматын өтөп бүткөн жоокерлерди запаска бошотуу жана альтернативалуу кызмат өтөөгө кезектеги чакыруу жөнүндө жарлыкка кол койду. Бул тууралуу мамлекет башчынын маалымат кызматынан кабарлашты.
Мөөнөттүү аскердик жана альтернативалуу кызмат өтөйм дегендер март-май айларынан баштап кабыл алынат. Документке ылайык, 18 жашка толгон жана чакырууну кийинкиге калтыра албаган эркек балдар өлкөнүн куралдуу күчтөрүнө, башка аскердик түзүмдөргө жана аскердик кызмат каралган мамлекеттик органдарга кызматка чакырылат. Ал эми аскердик жана альтернативалуу кызматын өтөп бүткөн аскер кызматчылары куралдуу күчтөрдүн катарынан запаска бошотулат.
Жарлык расмий жарыяланган күндөн тартып күчүнө кирет.
