Президенттик шайлоого катышууну каалагандардын саны 12ге жетти

11-ноябрь, 12:41

343 ᠌ ᠌ ᠌ ᠌᠌ ᠌ ᠌᠌

БШКга президенттик шайлоого катышуу тууралуу дагы бир билдирүү келип түштү. “Толубай” банктын директорлор кеңешинин кеңешчиси Жеңишбек Байгуттиев жарышка өзүн-өзү көрсөткөн талапкер катары катышууга ниеттенүүдө.

Буга чейин президенттик шайлоого катышуу жөнүндө 11 адам БШКга арыз берген. Алар: Адахан Мадумаров, Арстан Алай, Кубан Чороев, Назарбек Нышанов, Бектур Асанов, Бакыт Бакетаев, Канат Исаев, Абдыкаар Сыдыков, Сазыкбай Турдумалиев, Нурлан Мотуев, Рашид Тагаев.

Белгилей кетсек, президенттик кызмат ордуна талапкерлерден арыздарды кабыл алуу 14-ноябрга чейин созулат. Мөөнөтүнөн мурда президенттик шайлоо 2021-жылдын 10-январында болот.