Акыркы кабарлар
22:58
» Саясат » Элдик курултайдын шылтоосу менен төңкөрүшкө үндөө болбойбу?
Элдик курултайдын шылтоосу менен төңкөрүшкө үндөө болбойбу?
01-ноябрь, 10:28
Коомдук ишмер, Убактылуу өкмөттүн мүчөсү Азимбек Бекназаров 24-ноябрда Бишкек шаарындагы эски аянтта элдик талкуу өткөрүүгө камданып жатат. Бул тууралуу Элдик курултайдын аткаруу комитети билдирди.Элдик талкууга өкмөт мүчөлөрү жана парламент чакырылат.
«10 миңден ашык шайлоочулардын демилгелеген мыйзам долбоору 4 айдан бери Жогорку Кеңеште каралмак тургай, айтылбай дагы жатат», — дейт курултайдын уюштуруучулар.
Эске салсак, Элдик курултай референдумга Конституцияга өзгөртүү киргизүүнү сунуштайт. Элдин тандоосуна башкаруу формасы, Жогорку Кеңешке депутаттарды шайлоо түрү, президенттен тартып, айыл өкмѳт башчысына чейин, ар жылдык аткарган иши боюнча жыл сайын Курултайга отчет берүүсү боюнча суроолор коюлат.
24-ноябрда өкмөттөн Таластагы Жерүй кени жана башка кен байлыктар боюнча жарандык коомдун талаптарына жообу дагы суралмакчы.
Шайлоо жакындаган сайын мурда тынч жаткан саясатчылар кыймылдап, баш көтөрүп, элдин көзүнө кайрадан көрүнүүгө далбастай башташты. Деги Элдик курултайдын шылтоосу менен революция, төңкөрүшкө үндөө болбосо эле болгону.
Aryba.kg
