Жоош Касымалиевдин ордуна ажого жандооч боло турган күрөшчүл кадр керек
Иш жүзүндө Адылбек Касымалиев өкмөттү жетектеп, саясый кызматтын туу чокусунда отурат. Бирок жүүнү бош, жоош экен. Соңку убакта Садыр Жапаровго чабуулдар күчөп, тирешүүлөр жандана баштады. Мындай шартта Касымалиев “колго кол, бутка бут” болушу керек эле. Тилекке каршы, ал кулагын жапырып алгандай образ жаратып, эч нерсени укпаган, билбеген адамдай жүрөт. Шайлоо жакындаганы “уктап жаткан” күчтөр ойгонушат, чоң саясат кызыйт эмеспи. Ал эми өкмөт башчы өз кара башын гана ойлоп жүрсө, президентке кантип жардам берет? Андыктан, Садыр Жапаров чыныгы жандооч боло турган, мүнөзү бар, күрөшчүл, тажрыйбалуу кадрды Адылбек Касымалиевдин ордуна коюшу керек. Ошондо өкмөттүн башка мүчөлөрүнө да жан кирип, бийликке каршылык көрсөткөн душмандарга таканчык бере башташат... Антпесе абалды көрүп атпайбызбы...
