Аликбек Жекшенкулов менен Эдил Байсаловду төргө чыгара турган кез келди!
Аз күн мурда президент Сооронбай Жээнбеков шоу өкүлдөрүн жана ыктыярчыларды кабыл алды. Ал жерде Анжелика, Айзада сыяктуу жеңил-желпи кыздар ажого акыл үйрөтүп, кыйынсынып калышканына бүтүндөй коомчулук кыжырданды. Деги булар мамлекеттин жүгүн көтөрүп калышты беле?..
Аныгында, эл ичиндеги аксакалдарды, интеллигенция өкүлдөрүн чакырып, аларды кабыл алганда, акыл-эстин деңгээлиндеги кептер болмок. “Болор иш болду, боёсу канды” дегендей, эми чала идеологияны кантип оңдойбуз? Дал ушундай ыңгайда элчилер Аликбек Жекшенкулов менен Эдил Байсаловду Кыргызстанга алдырып, булардын билимин, тажрыйбасын пайдалануу менен тоңгон музду жарсак не? Бирин премьер-министр, экинчисин орун басар кылсак жарашат. Ишти алып кетишет. А болбосо кыйын болуп калды. Акүйдөгү чиновниктердин көпчүлүгү кошоматчы, интриганга айланганда акыл-эстүү агаларды алдырып, ушул кыйын кырдаалдан чыгууга жол салбайлыбы? Же өкмөттүн кашаңдыгынан эл кырылып калсынбы?..
"Азия Ньюс" гезити