Ташиевге сын айтып, Жамгырчиев жаакка жегендей эле болдубу?

17-июнь, 18:18

38 ᠌ ᠌ ᠌ ᠌᠌ ᠌ ᠌᠌

     Мурдагы депутат Эмил Жамгырчиев коңулдан баш көтөрүп, Камчыбек Ташиевди сындап чыгыптыр. Албетте, түштөн кийин. Айткан сөздөрү маанилүүбү же маанисизби, кеп анда деле эмес. Кызыгы, көпчүлүк интернет колдонуучулары бир ооздон Жамгырчиевдин кечээги кылыктарына токтолушуп, парламенттин терезесинен секирип качканын, паспортко байланыштуу чуулганын козгошуп, айтор, “жерден алып көргө чапкандай” эле катуу жемелешти. Кыйла ачуу сөздөр жазылды. Соцтармакта талкуу жаралып, бул көрүнүштөн Ташиев упай алып кетти го? Көрсө, эл бат эле таразалап коёт тура. Жамгырчиев жаакка жегендей эле болдубу? Ошон үчүн өткөн чактан сабак алгыла. Саясатта ойноп, ары-бери секирип, “туткактана” берсең, акыры ушундай баа берилеби?..