Көзачыктын дубасы аркылуу Туманбаев 7-ажо болобу?
Президенттин иш башкармалыгынын башчысы Каныбек Туманбаевдин күнү тууп турган кези. Элдин акчасына курулуш, ремонт иштерин жасатып, аны пиар кылып, жасалма аброй күткөнүн карагылачы? Эбак эле өзүн өлкөдөгү үчүнчү фигура сезип алганы, эми тамырын терең жайып, эртеңки күнү бийликти толук колго алууга кириштиби? Көзачыктарга тымызын төлгө салдырып, дуба окутуп, жолун ачтырууга жанталашып, кийинки президент болууга кириштиби? Тегин жерден дарактын учу термелбейт эмеспи. Коомчулукта Туманбаевдин доору келатканы айтылууда. Эки дос муну этибар албай, мамлекеттин түйшүгү менен алпурушуп аткан чакта, арттан далыга бычак сая турган адамды байкабай өстүрүп алыштыбы? Эми оңой менен кутула алышпайбы? Себеби, ал бир топ купуя маалыматтарды чогултуп алганы, ыгы келсе “бомба” катары жарууга белсенгениби? Сыягы, суроолор көбөйүп баратат. Ошондо 7-ажо Туманбаев болобу? Айтор, баарын тумандатып салгандай...
"Азия Ньюс" гезити
