Акыркы кабарлар
» Саясат » Ниязалиеванын кылмыштуу аракеттерин Ногойбаев көрмөксөн болгону кандай?
Ниязалиеванын кылмыштуу аракеттерин Ногойбаев көрмөксөн болгону кандай?
02-июнь, 09:00
Ленин бир мандаттуу округунан Дамира Ниязалиева добуш сатып алууга шектелип атканын “Азия Ньюс” гезити алдыртан эле жазып, коңгуроо кагып келген. Аныгында, биз тийешелүү органдарга багыт бергенбиз. Тилекке каршы, Бишкек ШИИБ начальниги Азамат Ногойбаев кайдыгер карап, убагында ыкчам аракеттерди жасабай, шалаакылыгын көрсөткөнү ырасталдыбы? Ниязалиева массалык түрдө добуш сатып ала баштаганда, дагы бир талапкер Эртай Искаков телефонго тартып, соцтармакка жарыялады. Коомчулук түп көтөрүлө нааразычылык билдирүүгө жетишип, сын-пикирлер курчуду. Ошондо гана жогору жактагы адилеттикти көздөгөн айрым төбөлдөр буйрук беришип, анан Бишкек ШИИБ ойгонуп, кылмыш ишин козгоого жетишти. Мындайча айтканда, Азамат Ногойбаевдин көчүгүнөн түртүп турбаса, же буйрук бермейинче иштебейт тура, чынбы? Учурда Ниязалиеванын ыплас аракеттерин элдин баары билди, түкүрүнүп жатышат. Эми да калкалоого алынса, анда бийликтин бедели түшөт. Кылмышка шектүү мыйзам алкагында жазаланууга тийиш. "Азия Ньюс" гезити
