Министр Улан Ниязбековдун бай тажрыйбасы милициянын аброюн арттырууда
Соңку күндөрү ИИМ кылмышка шектүү УКМКнын ондогон кызматкерлерин камады. Мындай аракеттер дагы уланышы мүмкүнбү? Бул көрүнүш соцтармактарда кызуу талкууланып, тез арада милициянын аброю өсүп кеткенин жазышууда. Дух көтөрүлдү...
Башкасын айтпасак да, акыркы беш жылда ИИМ тазаланууга басым жасап, бир катар колу булганычтардан арылып, улам жаңылануу баскычында баратат. “Көч бара-бара түзөлөт” демекчи, бул багытта алгылыктуу иштер жүрүүдө. ИИМде жалпы материалдык-техникалык база чыңдалып, айлык-акы, чарбалык кем-карчтар оңолуп, санариптештирүүнүн алкагындагы аракеттер алкоого арзыйт. “Коопсуз өлкө” долбоору кылмыштуулукту алдына алып, элибиздин тынчтыкта жашашына салым кошууда. Ток этерине келсек, жалпы коопсуздукту камсыздоо көңүлгө толорлук. Мунун баары министр Улан Ниязбековдун алдыны көрө билген, кыраакы, бай тажрыйбасынын негизинде ишке ашууда.
Айтмакчы, ИИМде мурдагыдай “блатнойлор”, жердешчилик же уюшкан кландашуулар жок. Ишбилги кадрлар өсүп атышат. Негизинен эл үчүн кызмат кылышууда. Ошон үчүн УКМКнын ичиндеги бир топ “каймана аттууларды” баштарын жерге сайдырып келип камашты го...
