Барактагы эки ооз сөздү “реп стилинде” окуган Бакасов
Кезинде “каралар” менен байланышы бар” деп айтылып жүргөн Улан Бакасов акчанын күчү аркылуу 2021-жылы Жогорку Кеңештин босогосун аттабады беле? Мандат ушунчалык кумарлуу болот экенин ушундан билиңиз, эки ооз сөздүн башын тыңыраак кошуп окуй албаган Бакасов кайрадан депутаттыкты көксөп, эртелеп аракетин баштады. Бул чакырылышта каарманыбызды мыкты мыйзамчы атоодон алыспыз. Баракка жазылган сөздү эжелеп окуган Улан Бакасов коомчулукка күлкү болгон эле. Дегенибиз, жардамчысы жазып берген сөздөрдү “реп стилинде” окуп, кесиптеши Адахан Мадумаров менен «айтышканы» эсибизде эмеспи. Деңгээл жагынан салыштырып караганда, Улан мырза алды-артын байкап, саясаттан алыс жүрсө не? Бир балээге чалынып кала электе... Ошондо коомго көбүрөөк пайда келтирмек беле (?) деген ой келет. Анүстүнө баягыдай таянган финансылык мүмкүнчүлүгү жок экенин эске алганда, Бакасовдун азыр айласы алты кетип турган чагы.
"Азия Ньюс" гезити
