Акыркы кабарлар
» Саясат » Миргүл Темирбаева: “Былтыр да орозо айында чек арадагы согуштан 36 жараныбызды жоготконбуз”
Миргүл Темирбаева: “Былтыр да орозо айында чек арадагы согуштан 36 жараныбызды жоготконбуз”
13-апрель, 19:33
Бүгүн, 13-апрелде Жогорку Кеңештин депутаты Миргүл Темирбаева Лейлек районунун Тажикстан менен чектеш аймактарында болгон атышуу тууралуу пикирин билдирди. Депутаттын айтымында, чек ара боюнча комиссиялардын сүйлөшүүлөрү жыйынтык бербей жатат.
«Былтыр да орозо айында чек арадагы согуштан 36 жараныбызды жоготконбуз. Бул качанкыга чейин кайталана берет? Лейлек эли тынч жашай албай калды. Комиссиялардын сүйлөшүүлөрү жыйынтык бербей жатат. Чек ара чечилмейинче өнүгүү тууралуу сөз болбойт. Чек ара маселесине чекит коюш керек. Комиссияга кимдер мүчө болуп жатканын Жогорку Кеңеш билиши керек. Керек болсо комиссияга жергиликтүү тургундардан кошуш керек» деди депутат.
