Омбудсмен Атыр Абдрахматова бийлик үчүн элдин көзүн жайгарчудай...
Ушундай. Омбудсмендик кызмат “олуялык” эмес. Бул болгону жарандардын кайрылууларын, даттанууларын коомчулукка жарыялайт. Ал эми иш жүзүндө бирөөнү түрмөдөн чыгарып, же укугу бузулган адамга реалдуу түрдө жардам бере албайт. Аныгында, алгылыктуу иштесе арыздарды жарыялап гана берүүчү орган. УКМК, ИИМ, башкы прокуратура эч убакта омбудсмен менен эсептешпейт. “Карап көрөлү, мыйзам чегинде иштейли” деген гана жоопторду беришет. Мындай шартта Атыр Абдрахматова канчалык элди кабыл албасын, алардын даттанууларын толук кандуу аткара албасы мүмкүн. Болгону пиар, эл көзүнө көрүнүү гана иш аракеттери менене чектелери белгилүү. Башка эч кандай жаңылыкты күтө албайбыз. Ашып кетсе бийликке каршы чыккан, Кумтөр боюнча арызданган жарандарды жооткотуп, алдашы гана ыктымал, же калппы? Атырдын артында Арзыбек Бурканов менен Теңгиз Бөлтүрүк турганда эмнени күтөсүңөр? “Баары жең ичинен солонууда” дейт...
"Азия Ньюс" гезити
