Акыркы кабарлар
» Саясат » Акыйкатчы кызматына Атыр Абдрахматова тандалды
Акыйкатчы кызматына Атыр Абдрахматова тандалды
02-март, 19:25
Жогорку Кеңеш Кыргызстандын акыйкатчысы (омбудсмен) кызматына Атыр Абдырахматованын талапкерлигин жактырды.
2-марттагы жыйынында депутаттар акыйкатчылыкка талапкер төрт кишинин арасынан көпчүлүк добуш менен Абдрахматованы тандашты. Добуш берүү жашыруун жүргүзүлдү. Ушул эле күнү Абдрахматова ант берип, кызматка киришти.
Акыйкатчылыкка андан тышкары, Турсунбек Акун, Маматурайым Момунов жана Бакытбек Узенбаев да көрсөтүлгөн.
Кыргызстандын акыйкатчысы кызматы 2021-жылдын октябрь айынан бери бош турат. Мурдагы омбудсмен Токон Мамытов парламенттик шайлоого катышкандыгына байланыштуу кызматын тапшырган.
