Урмамбетов кадр саясатына беш колун тыгып, Баткенден кимди алып келгени калды?
Баткен ОИИБ орун басары Азим Үсөнов Бишкек ШИИБ орун басарлыгына секирик жасай турганын айтып, ооз көптүрүп жүргөнү МЕНТтер арасында айтылууда. Ортозаар кадр. Аңылдап калганы кандай? Авалар аркылуу маселесин чечкени, “крышасы” ИИМдин орун басары Октябрь Урмамбетов сүрөп атканы, жакында Бишкек ШИИБден Кылыч Жолдошовду кетиширсе, креслосун ээлеп калууга катуу киришкен кербездери. Ушундай чийки адистер биринен сала бири баш көтөрө берип, милициянын баркын кетирип бүтүрүштү. Баса, О.Урмамбетов өткөн чактагы кылмыш иштерин жапты беле? Бул эргул ИИМдин ичинде өзүнчө “министр” болуп, кадр топтоп, кыйынсынып баратат да. Эми Баткенде тыңгылыктуу иштей албаган А.Үсөнов дегенин алып келип, шаарга беш колун матырганы жатабы? Ансыз да көп жерлерге өз кишилерин койдуруп койгон. Министрлик креслону кыялдана берип, түнү уктабай, тынчы кетип калганбы?..
"Азия Ньюс" гезити
