Коррупцияга айыпталышкан салыкчылар эки ирет камалып чыгыштыбы?
Башта салыкчыларга байланыштуу 30 миллиард сом уурдалганы кабарланып, коомчулук дүрбөлөңгө түшкөн. Кай бир булактарда 3 миллиард солонгону жарыяланган эле. Аныгында салык кызматынын башчысы, орун басары кармалышып, аларга катар Бишкек шаарынын төрт районундагы башкармалыктардын начальниктери да камалышкан. Иттин өлүгү ушул жерде көмүлгөнбү? Кызыгы, көп өтпөй береги төрт начальник камактан бошоп, кайра кызматтарына барууга белсенишип, арызданууга жетишкени маалымдалган. Анан күтүүсүздөн булар кайра камалышып, таң-тамаша оюнундай “маски-шоулар” уланып кеткени кандай? Ошентип, Бишкек шаарынын төрт районунун салык башкармалыктарынын начальниктери эки ирет камалып чыгышканы айтылууда. Азырынча алар “Коррупция” беренеси менен эмес, “Шалаакылык” боюнча айыпталышканы калыштыбы? Деги кандай аракеттер жүрүп жатат? Окуяга аралашкан, ачык айтып, ак сүйлөгөндөр билдирүү кылып коюшса туура болмок. Жашырып-жаба беришпей. Сыягы, салыкчылардын жүрөк үшүн алып коюшса керек...
"Азия Ньюс" гезити
