Бакытбек Мариповго кандай адамдар добуш беришти болду экен?

Ноокат округунан шайланып келген Жогорку Кеңештин депутаты Бакытбек Мариповдун ар бир көтөргөн маселеси коомчулукта сынга кабылып, талкуу жаратып келет. Бул эргул ойлонбой сүйлөп, өзүн асмандатып алганы да кызык. Аэропорттон өзгөчө тейлөөгө муктаждыгын билдирип догурунганы, мектеп программасына араб тилин киргизүүгө жанталашканы, ыштын айынан борбор шаарды көчүрүүнү оозанганы, бир туруп камандарды “Кызыл китептен” чыгарууну айтып, айтор, дайыма эле таңгалдырып келет. Кайсы бир маселени козгодуңбу, анын чечилүү жолдорун да ырасташ керек. Сунушуңду беришиң абзел. А болбосо ойду-тоону сүйлөп, элдин кыжырын келтире берүү логикага сыябы? Мына ушундай депутаттардын айынан парламенттин кадыр-баркы кетүүдө. Бакытбек Мариповго кандай адамдар добуш беришти болду экен?..
"Азия Ньюс" гезити