“Фейсбукта” маселе жаралып, өз баракчаларына кире албагандар арбыды

05-декабрь, 10:42

570 ᠌ ᠌ ᠌ ᠌᠌ ᠌ ᠌᠌

Учурда социалдык тармактарда Фейсбук баракчасын колдонгон адамдардын саны жүз миллиондоп саналат.

Кечээ, 4-декабрда "Фейсбук" социалдык желесинде дүйнө жүзү боюнча мүчүлүштүк жаралып, жакшы иштебей калгандыгын айтып, колдонуучулар нааразы болушууда.

Бул тууралуу популярдуу интернет ресурстардын ишине көз салган "Downdetector" сервиси маалымдады. Байкоолорго караганда, Фейсбукту колдонгондордун 49% желе иштебей жатканын айтса, 29% өз аккаунттарына кире албай калганын, 21% желе биротоло өчкөнүн билдиришти.

Кечээ күнкү мүчүлүштүктүн чоо-жайы азырынча маалым эмес. Ал эми Кыргызстандагы колдонуучулар да бул тармактын жакшы иштебей жатканы тууралуу башка баракчаларга жазып чыгышкан.