КР эл артисти Келдибек Ниязовдун президент Садыр Жапаровго кайрылуусу
Садыр Нургожоевич, үч жылдыгыңызда көптөгөн жакшы иштерди жасап жатасыз, анын ичинде кыргыз спортуна, өзгөчө футболго. Өзүңүз дагы үлгү көрсөтүп, жогорку деңгээлде ойноп жүрөсүз. Биздин топ тепкичтерди Катар өлкөсүнө, Азия кубогуна аттап-тондоп узаттыңыз эле, бирок алар сиздин жана кыргыз элинин ишеничин актаганга чабалдык кылып коюшту. “Ак шумкарлар” канаттарын кайрып алып кайтып турган чагы. Арга кеткенде акын жездеңиз Байдылда акенин ыр саптары эске келди:
Жаштарыбыз бар нечен, /Эми сизге эмне десем... /Арманым толук айталбай, /Ичимден бук болуп кетем. Армяндын футболисттери бар: Абрамян, Айрапетян, Азарян, Мартиросян, Месропян, Казарян, Багдасарян, Минасян, Миросян, Орапетян, Огонесян, Иштоян. /Байкап, окуп көрсөңүз, /Бардыгы бүт эле «ЯН». /А кыргыздан качан чыгат: Абылов, Адылов, Садыров, Кадыров, Кабылов, Жайылов, Эшимов, Чекилов, Чекиров, Осмонов, Ормонов, Чормонов?.. /Эми түшүнөрсүз калганын... /Түгөнүп баратат сизге айткан арманым. /Калганы сизден урматтуу Садыр Нургожоевич!
