23 жаштагы Адинайды күйөөсү эмнеге таштап кетти?
Чүй облусунун Ысык-Ата районундагы Биринчи май айылынын тургуну Эркингүл Табылдиева кызы Адинайдын ден соолугу үчүн күрөшүп келет. Адинай балдардын церебралдык шал оорусу менен жабыркайт.
«Эки уулум жана бир кызым бар. Кызым Адинай 1997-жылы Нарын облусунун Ат-Башы районундагы Ат-Башы айылында төрөлгөн. Андан 6 айлык кезинде балдардын церебралдык шал оорусу аныкталган. 15 жашынан баштап эпилепсия боло баштады. Бир колу иштебейт, 2-топтогу майып. Мектепти 9-класска чейин окуп, кийин кесиптик техникумдан билим алып баштаган. Тилекке каршы, шартка байланыштуу окуусун толук бүткөн жок. Акыл-эси жайында. Келечекте дүйнөгө саякаттайм деген тилеги бар» деди апасы.
Эркингүл айым Адинай төрөлгөнгө чейин мектепте мугалим болуп иштечү.
«Мен мектепте кыргыз тили жана кыргыз адабияты боюнча сабак өтчүмүн. Кызым төрөлгөндөн кийин иштебей калдым. Учурда кызым дагы, мен дагы эч жерде иштебейбиз. Кызым учурда 23 жашта. Буга чейин турмуш курган. Бирок, күйөөсү оорусуна байланыштуу таштап кетти. Учурда 8 айлык наристеси бар. Кызымдын операциясына, дары-дармегин алууга акча каражатына муктажбыз» деди ал.
“Турмуш кж”