Келечекте Равшан Жээнбеков Нобель сыйлыгын алышы мүмкүн
Кой-Таш окуясы боюнча Равшан Жээнбеков түрмөдө отурат. Ал эркиндикке чыгуу үчүн ырайым сурабай, мыйзамдуу, акыйкат жолунда акталарына, жеңишке жетерине бөркүндөй ишенеби? Калетсиз кеп. Аныгында саясатчылардан эң көп камалганы Равшан мырза болду. Майтарылбаган эрки, духу бийик экенин турмуш көрсөтүүдө. Тарыхта кыргыздын чыныгы баатыры катары даңазасы артабы? Мындай жагдайда айрым “кемпирабадчылардын” козушканы, анын ырайым сурап чыгышына кызыкдар болушканы айтылууда. “Капаста кор тутулбай” дегендей... Ырас, “Кемпир-Абад иши” боюнча Равшан Жээнбеков да акталды. Бирок ал сатылбай, көмүскө кызыкчылыктарга азгырылбай, чыныгы мырзалыгын көрсөтүп, беттегенинен кайра тартпай түрмөдө отурат. Ар-намыс, моралдык баалуулуктарын бийик коюуда. Мындай деңгээлдеги күрөшчүл лидерлер Нобель сыйлыгын алып келгенин билебиз. Келечекте Равшан Жээнбековго дүйнө назары бурулуп, дал ушул эң бийик даражага ээ болушу мүмкүн...
