Каныбек Туманбаев эмне дейт? МИКтин сапатсыз үйлөрү талкуу жаратты
Мамлекеттик ипотекалык компания салган Караколдогу көп кабаттуу үйдүн чатырынан суу агып түшүп атыптыр. Соцтармактарга тарады. Батирлердин дубалдары шалпылдап, тешилип калганын көрдүк. Кайра ремонт жасоону ким камсыздайт? Карапайым жарандар эптеп үйгө жетишсе, эми кантишет? Бул Караколдогу гана көрүнүш го? Буга чейин МИКтин айрым үйлөрү чөгүп, жарака кеткени интернетке тарап, чуулган чыкканы эсиңердеби? Үстөгү менен кызылдай акча төлөп атышса, эмгектери текке кетеби? Айтор, курч суроолор жаралууда.
Албетте, президенттин иш башкармалыгынын башчысы Каныбек Туманбаев аракет кылып, МИКтин үйлөрүн курдуруп атат. Ошого жараша сапатына катуу көзөмөл жасатып, ырааттуу иштин өтөөсүнө чыкса болмок. Натыйжада, МИКтин батирлерин алуудан кардарлар качып калбайбы? Ар бир үй-бүлө коопсуз, сапаттуу туракта жашагысы келет эмеспи.
