Бийликтин саясый маанайын чагылдырган Атай Бейшенбек

23-май, 19:33

375 ᠌ ᠌ ᠌ ᠌᠌ ᠌ ᠌᠌

     Фейсбукта Атай Бейшенбек коомдук-саясый темаларды козгоп, бийликти колдогон, каршы күчтөрдү сындаган постторду жазып турат. Президенттин администрациясынын маанайына жараша коңгуроо кагып, багыт берүүчү милдетти да аркалап келүүдө. Бир караганда күнүмдүк, жөнсалды көрүнгөнү менен Атай Бейшенбектин интернет айдыңындагы иши маанилүү. Бийликтин позициясын жайылтуу, коргоо жана ошол эле учурда оппоненттерге каршылык көрсөтүү машакатында алектенет. Президенттик шайлоо жакындаган сайын жалпы кырдаал жанданып, “уктап жаткан душмандардын” ойгонору мыйзам ченемдүүлүк эмеспи. Демек, маалыматтык саясатты мындан дагы чыңдоо вазыйпасы көрүлүшү керек.