Акыркы кабарлар
» Коом » Россиядан 22 миң 440 кыргызстандык мекенибизге кайтты
Россиядан 22 миң 440 кыргызстандык мекенибизге кайтты
04-август, 17:15
2020-жылдын 1-июлунан 31-июлга чейин Россиядан Кыргызстанга 35 чартердик авиакаттам жана 32 автобус менен 7986 жүргүнчү алынып келинди. Анын ичинде Россиянын 6 облусунан: Москва, Новосибирск, Екатеринбург, Оренбург, Самара, Санкт-Петербург облустарынан келишти.
20-марттан 3-августка чейин Россиядан 22 миң 440 кыргызстандык мекенине кайткан. Россиядан 93 авиакаттам жана Казакстандын аймагы аркылуу Оренбург, Самара облустарынан 52 автобус уюштурулган.
Кыргызстанда эпидемиологиялык кырдаалдын начарлашына байланыштуу, туруктуу авиакаттамдар жүргүзүлө элек. Россия–Казакстан чек арасы жабык. Кыргызстандын Россиядагы элчилиги жарандарды чыдамдуу болууга жана Россия-Казакстан чек арасы тарапка барбоого чакырат.
