Полковник Улан Айтбаев келечектүү кадрлардын алдыңкы сабында
ГУУРдун начальниги Улан Айтбаев жакшы өсүп келе жатат. Билими, тажрыйбасы жетиштүү деңгээлде. Эң башкысы, ал ишине так, жоопкерчиликтүү мамиле жасап, ар дайым натыйжалуу ийгиликтерди жаратканы, алдыга умтулганы менен кубандырып келет. Мындай аракет соңку 20-25 жылдан берки тынымсыз эмгектин акыбетинен болсо керек.
Бир кездеги атагы таш жарган ГУУРдун кадыр-баркы түшүп кетпеди беле, аныгында, Улан Айтбаев жетекчи болуп келгени бул система кайрадан оңолуп, өз милдеттерин тийешелүү деңгээлде, мыйзамдын алкагында аткара баштаган. Мындай реалдуулук ачык көрүнүүдө. Жалпы республика боюнча кылмыштуулукка каршы күрөшүү, терс көрүнүштөрдү алдына алуу аракеттери ыкчам жана профессионалдуу деңгээлде жүзөгө ашып атат. Кызыгы, ГУУР жасаган жумуштарын пиар кылбаган орган тура...
Ток этерине келсек, ИИМ курамында жигердүү, келечектүү кадрлар өсүшүп, элге кызмат кылышууда. Мына ошолордун алдыңкы катарында Улан Айтбаевдин да өз орду бар экени калетсиз. Убагы келип, бышып-жетилгенде жетекчи-лидерлерди жашыра албайт экенбиз, алар коомдун муктаждыгына жараша кызмат кылышып, элге таанылууда...
