Россияда мигранттарга жасалма нике кыйдырбоо боюнча мыйзам даярдалды
Россиянын ички иштер министрлиги чет элдиктердин Россияда жасалма нике аркылуу миграциялык статус алуу мүмкүнчүлүгүн жокко чыгарууга багытталган мыйзам долбоорун иштеп чыкты. Бул тууралуу ТАСС агенттигине министрликтин өкүлү Ирина Волк билдирген. Ал белгилегендей, азыр мыйзам ведомстволор аралык макулдашуу стадиясында турат. Анын айтымында, 2022-жылдын 11 айында Россиянын ички иштер министрлиги мурда орус жараны менен никеге турган чет өлкөлүктөрдүн Россиянын аймагында жашоого уруксатты жокко чыгаруу боюнча 400гө жакын токтом чыгарган. Учурдагы мыйзамдарга ылайык, чет өлкөлүктөр жана жарандыгы жок адамдар Россиянын жараны менен үч жылдан кем эмес никеде турса же үй-бүлөдө бала болсо, жөнөкөйлөтүлгөн түрдө орус жарандыгын алуу үчүн кайрыла алышат.
