Акыркы кабарлар
» Коом » Жалгыз Самат Кушбекке жооп бере албаган министрликтин ишмердиги таңгалдырууда
Жалгыз Самат Кушбекке жооп бере албаган министрликтин ишмердиги таңгалдырууда
09-июнь, 16:15
Франциядагы кыргыз экологу Самат Кушбек Ысык-Көлдө өтө турган “Формула – 1” кайыктардын жарышына каршы чыгып, бир канча күндөн бери өзүнүн аргументтерин айтууда. Бул иш-чаранын кооптуулугун белгилеп, көлүбүзгө зыяндуу майдын чачыларын какшап келет. Таңгалычтуусу, бийлик тараптан тийешелүү адистер жооп бербей, баягы эле ар нерсеге башын тыга берген блогерлер Самат Кушбекке каяша кылганга жарашты. Айтор, ынанымдуу кеп уга албадык. Ал эми коомчулуктун эркин бөлүгү, көз карандысыз адамдар Франциядагы мекендешибизди колдошуп, эл арасында талкуулар жанданууда. Кызыгы, КР жаратылыш ресурстары, экология жана техникалык көзөмөл министрлиги эмне менен алек? Жалгыз Самат Кушбекке жарытылуу жооп таба алышпаса, анда бул системанын мааниси канчалык? Же “самопал” кадрлар чогулуп алышканбы? Бере берсең суроолор арбын. Тек гана таңгаласың да. 
