Чет өлкөгө атайын акча уурдаганы барган кыргызстандыктар соттолду
Дубайга мигрант болумуш болуп барып, бирок ал жактан уурулукка кирген кыргызстандык үч жаран соттолду.
Кыргызстандык жарандар Дубайда Палм-Джумейр вилласын тоногондугу үчүн сот 3 кыргызстандыкты 3 жылга эркинен ажыратты. Алар жаза мөөнөтүнөн кийин мекенине депортацияланмакчы.
2019-жылдын февралында 3 кыргызстандык түн ичинде ээн турган виллага балкон аркылуу киришкен. Алар баалуу буюмдар сакталган 3 сейфти талкалап алып кетишкен. Шектүүлөр ошол күнү эле Дубайдан чыгып кеткен.
Кыргызстандыктар уурдалган буюмдарды алар менен иштешкен аялга беришкен. Ал аял 31 жаштагы эркек кишиге берип, ал киши уурдалган буюмдарды Бириккен Араб Эмиратынан алып чыкмакчы болгон. Бул кызматы үчүн ага 900 доллар төлөп беришмек.
Дубайдын полициясы ошол замат эле ууруларды кармап, камакка алып, уурдалган буюмдардын жарымын ээлерине кайтарып берди.
Ал эми сотто кыргызстандыктар күнөөлөрүн моюндарына алып, Дубайга атайын акча уурдаганы келгендерин билдиришти.