Урматбек Акунов: “Учурда Райым Матраимовдун тажрыйбасын пайдаланууга мезгил келди”
-- Урмат иним, бүгүнкү күндө мамлекеттин кадр саясаты олку-солку болуп аткан кезде Райым Матраимовго окшогон кыргыздын азаматтары бийликке келишине кандай карайт элең?
-- Бүгүнкү күндө “мамлекетибиз туңгуюкта” десек жаңылышпайбыз. Ошонун ичинде кадр саясаты абдан чабалдык “чалчыгында” калганы жашыруун эмес. Президент Садыр Жапаров менен министрлер кабинетинин төрагасы Акылбек Жапаровду айрым министрлер уят кылышты. Коомчулук күбө. Өздөрү тандаган кызматкерлери беделдерине шек келтиришти. Ал эми азыркы бийлик Райым Матраимовдун тажрыйбасын пайдаланып, эч бир тартынбастан эле элдин кызыкчылыгын жогору коюп, мамлекетти туңгуюктан чыгаруу максатта жогорку кызматка алып келип, бул кесипкөй адисти колдонуп калбаса, эртең кеч болуп калышы мүмкүн.
-- Аябай ишенимдүү айттың го?..
-- Учурда Райым Матраимовдон башка Кыргызстанды алдыга алып чыкчу кадрды же мамлекеттик кызматкерди көрө албай атам. Президент эч ойлонбостон мындай кадрды эң ириде мамлекеттин кызыкчылыгында жогорку кызматка алып келсин. Ошондо гана мамлекет уттурбайт!
Сурат Жылкычиев
"Азия Ньюс" гезити
