«Биримдиктин» жаш талапкеринин үгүт иши «Манас-Атада» өттү
«Биримдик» демократиялык социализм – евразиялык тандоо» саясый партиясынын Жогорку Кеңештин депутаттыгына жаш талапкерлеринин бири Эмилбек Джусупов Ош шаарынын жашоочулары менен жолугушууларын улантууда.
Кечээ талапкер Ош шаарындагы «Манас-Ата» аймактык башкармалыгынын Ашимахунов көчөсүнүн тургундары менен жолугушуу өткөрдү. Жолугушууда депутаттыкка бара жатканынын себебин айтып, партиянын программасы, максаттары менен тааныштырып, өлкөнү өнүктүрүү, элдин жашоо шарттарын жакшыртуу жаатындагы көз караштары, ойлору менен бөлүштү. ЖК депутаты болуп шайланып калса, кандай иштерди алып барары тууралуу да маалымат берди.
Жолугушууга келгендер жаш талапкерди жылуу кабыл алышып, жеңишке жетүүсүнө ийгилик каалашты. Депутат болуп шайланып калса, эл үчүн иштеген, элдин көйгөйлөрүн Жогорку Кеңеште көтөрүп, элдин кызыкчылыгындагы мыйзам долбоорлорун сунуштаган активдүү депутаттардан болоруна ишенише тургандыктарын билдиришти. Улуу муундун өкүлдөрү Эмилбек Джусуповго «шайлоодо жеңишке жет!» деген каалоо-тилектери менен узатышты.
«Биримдик» партиясынын талапкеринин Ош шаарынын жашоочулары менен жолугушуулары мындан ары да улана бермекчи.