Акыркы кабарлар
» Коом » Ошто кондитердик азыктан 30дан ашык адам ууланды
Ошто кондитердик азыктан 30дан ашык адам ууланды
03-май, 12:09
Анын ичинен 18и 14 жашка чейинки балдар. Бул тууралуу оорулардын алдын алуу жана мамлекеттик санитардык-эпидемиологиялык көзөмөлдөө департаментинен билдиришти. Окуя кечээ 1-майда катталган.
“Текшерүүдө тургундар Кара-Суу районундагы "Сахобот" кондитердик цехинде жасалган таттуу токочтон ууланышканы белгилүү болду. Цехке пландан тышкаркы текшерүү жүргүзүлүп, 7500 сом өлчөмүндө айып пул салынды. Мындан тышкары, иши токтотулуп, аталган таттуулар дүкөндөрдөн алынып жатат. Бардык жабырлануучуларга биринчи жардам көрсөтүлдү. Учурда 14 бала дарыланууда. Абалдары канааттандырарлык” деп билдиришти мекемеден.
Ошондой эле аталган факты боюнча териштирүү иштери уланып жатканы белгиленет.
